Arıçılıq üçün Antivarroa qurğusu

Startapçı ƏMİR Texniki Xidmətlər MMC-də ilk dəfə olaraq bal arılarını gənələrdən fiziki üsulla təmizləmək üçün ANTİVARROA adlanan qurğu yaradılmış və patentləşdirilmişdir.
Bal arıları xüsusi qıfın vasitəsi ilə metal torlu barabana doldurulur, sonra termokamerada 45,5-46,5°C temperaturda 3 dəqiqə saxlanıldıqda, gənələr istiliyə dözməyərək, arının bədənindən qopub, qurğunun altındakı siniyə tökülürlər. Qurğu razılaşma qiymətləri ilə satılır. Müştərinin istəyi ilə qurğunun komplektində əlavə barabanlar və qıflar da verilə bilər ki, bu da böyük arıçılıq təsərrüfatlarında işi sürətləndirməyə imkan verər.
Bir arı ailəsinin barabana doldurulmasına və gənələrdən təmizlənməsinə təxminən 6 dəqiqə vaxt sərf olunur. Gənələrdən fiziki üsulla təmizlənmiş arı ailəsindən istehsal olunan bal ekoloji təmiz bal kimi dünya bazarına çıxarıla bilər.